حول المسابقة
بعد النجاح الباهر للدورة الأولى، كتعود المسابقة في نسختها الثانية بتصميم جديد وتجربة أكثر إثارة!
هاد السنة، المشاركة غادي تكون على ثلاث مراحل:
🔹 المرحلة الأولى
إقصائيات 100% رقمية عبر المنصة الرسمية، فين كل المشاركين غادي يورّيو مواهبهم من خلال تحديات ممتعة.
🔹 المرحلة الثانية
نصف النهاية، أيضا رقمية، ولكن هاد المرة ببتّ مباشر قدام لجنة التحكيم.
🔹 المرحلة النهائية
مواجهة كبرى وغنية بالمفاجآت، غادي تنظم بمدينة الدار البيضاء، بحضور لجنة تحكيم وازنة وأجواء احترافية.
ومكاينش غير التحدي!
المسابقة غادي ترفقها تكوينات متقدمة مع أفضل الحرفيين فالخبازة، وفرصة للفائزين باش يربحو جوائز قيمة وتكوين حصري فواحد من أكبر المراكز المتخصصة.
تسجل دابا وخد فرصتك باش تبان وتبرز موهبتك!
#ماستر_خباز 2025 — التحدي بدا!
كيفية المشاركة
بغيتو تكونو من المشاركين فـ #ماستر_خباز2025؟
الطريقة بسيطة، ولكن خاصكم تبرزو مهاراتكم!
📌 سجلو عبر المنصة الرسمية:
حضرو وصفة الخبزالمميزة ديالكم المميزة فالخبز وشاركوها معانا على شكل 3 صور أساسية:
📸 الصورة الأولى
المكونات المستعملة + الوصفة مكتوبة
📸 الصورة الثانية
صورة توضح مرحلة مهمة أو تقنية بارزة من التحضير
📸 الصورة الثالثة
صورة نهائية ديال الخبز المحضر + صورة المشارك/ة مع النتيجة
🎯 ملاحظة: ضروري تكون الصور واضحة، وتعكس جودة الوصفة واحترافية التحضير!
التحدي بدا، والتسجيل مفتوح!
ورينا مهارتك وخد فرصتك باش تكون من بين نجوم الخبازة فالمغرب.
آراء المشاركين
مختار أخدوش
سمعت بالمسابقة عن طريق إعلان في صفحة لوسافر وشاركت، كانت أول تجربة عندي فشي مسابقة ودازت زوينة الحمد لله. من بين الحوايج لي عجبوني فالمسابقة هي أني كنت كانتحدى نفسي قبل مانتحدى المشاركين، ومن بين الحوايج لي جاوني قاصحين هو عامل الوقت، كان مزير وكانحسو بالضغط. بالنسبة لـ Baking Center و التكوين كانو زوينين ونفعونا. كنصح الناس يزعمو ويشاركو ويتيقو فدكشي لي كايأمنو بيه ويتفاداو الخوف.
المحفوظ تويوس
أود تقديم شكري وامتناني لشركة لوسافر على المجهودات التي بدلتها من أجلنا ومن أجل اختيار أفضل خباز محترف من خلال انشائها للمسابقة، استطعنا اختبار قدراتنا في هذا المجال، كما أني أشكر لجنة التحكيم.
يوسف نيت علي
كنقدم جزيل الشكر لشركة لوسافر، والحمد لله من أول تجربة ليا استطعت نكون من بين الأوائل. كنشكر لجنة التحكيم لي كانو فالمستوى، وكنشكر شركة لوسافر على حسن التنظيم ومزيد من التألق.
محمد الحمام
بالنسبة لمسابقة ماستر خباز كانت تجربة زوينة بزاف وكنشكر لجنة التحكيم التي كانت في المستوى. خدينا تجربة كبيرة من عند لي شيف، وكنشكرو ماستر خباز وكنتمناو تولّي تتعاود هاد المشاركة. بيها استفدنا وبانولنا بزاف ديال الحوايج، زدنا القدام بيها. شكراً ماستر خباز.
جميع الحقوق محفوظة